Fainali za Tusker All Stars:Tanzania kuibuka kinara kesho?

MBIO za kuwatafuta vinara watatu wa mastaa wa shindano la Tusker Project Fame, waliowahi kushiriki miaka minne iliyopita zitafikia ukingoni kesho watakapopatikana mastaa wa shindano hilo la vipaji vya kuimba.

Shindano hilo ambalo hufanyika kila mwaka, mwaka huu lilikuja na staili ya aina yake baada ya kuwakusanya mastaa wote waliowahi kushinda na wale waliofanya vizuri katika msimu uliopita wa miaka minne tangu kuanzishwa kwa shindano hilo.

Mastaa hao ni pamoja na Ng'ang'alito pamoja na Alpha, Davis kutoka Rwanda, Msechu na Hemed kutoka Tanzania, pia pamoja na wanadada Amileena, Patricia na Carolina.

Washiriki hawa walikuwa wakiongozwa na wataalamu wanne wa muziki ambao ni Tim Rimbui ambaye ni mhandisi wa Sauti, Victor Sei ambaye ni mwanamuziki mahiri wa jazz, Chris Adwar ambaye ana vipaji lukuki vya sanaa ya muziki wa jukwaani na Aaron Rimbui ambaye pia ni mkali wa muziki wa Jazz.